Jehovah's Witnesses Official Thread - PINOYDEN

Sino Sila?

HANGAD ng mga Saksi ni Jehova na
higit mo silang makilala. Marahil ay
nakilala mo na sila bilang mga kapitbahay
at kasamahan sa trabaho o sa iba pang
pang-araw-araw na mga gawain sa buhay.
Marahil ay nakita mo na sila sa lansangan habang nag-aalok ng kanilang mga
magasin sa mga nagdaraan. O marahil ay
saglit mo na silang nakausap sa pintuan ng
inyong bahay.

Ang totoo, interesado ang mga Saksi ni
Jehova sa iyo at sa iyong kapakanan. Nais
nilang maging kaibigan mo at higit pang
masabi sa iyo ang tungkol sa kanilang
sarili, sa kanilang mga paniniwala, sa
kanilang organisasyon, at kung ano ang nadarama nila hinggil sa mga tao at sa
daigdig na kinaroroonan nating lahat.


Sa napakaraming bagay, ang mga Saksi ni
Jehova ay katulad din ng iba. Sila’y may
karaniwang mga problema—sa
kabuhayan, pisikal, emosyonal. Sila’y
nagkakamali paminsan-minsan, sapagkat
hindi naman sila sakdal, kinasihan, o di- maaaring magkamali. Subalit nagsisikap
silang matuto mula sa kanilang mga
karanasan at matiyagang nag-aaral ng
Bibliya upang magawa ang kinakailangang
mga pagtutuwid. Gumawa na sila ng pag-
aalay sa Diyos upang gawin ang kaniyang kalooban, at nagsisikap silang
maisakatuparan ang pag-aalay na ito. Sa
lahat ng kanilang ginagawa, hinahanap nila
ang patnubay ng Salita ng Diyos at ng
kaniyang banal na espiritu.

Napakahalaga para sa kanila na ibatay sa
Bibliya ang kanilang mga paniniwala at
hindi sa mga haka-haka lamang ng tao o
sa mga turo ng relihiyon. Nadarama nila
ang kagaya ng nadama ni apostol Pablo
nang siya ay magpahayag samantalang nasa ilalim ng pagkasi: “Masumpungan
nawang tapat ang Diyos, bagaman ang
bawat tao ay masumpungang
sinungaling.” (Roma 3:4, Bagong
Sanlibutang Salin*) Kung tungkol sa mga turong iniaalok bilang katotohanan sa
Bibliya, lubos na sinasang-ayunan ng mga
Saksi ang landasing sinunod ng mga taga-
Berea nang marinig nila si apostol Pablo
na nangangaral: “Tinanggap nila ang salita
nang may buong pananabik ng kaisipan, na maingat na sinusuri ang Kasulatan sa
araw-araw kung totoo nga ang mga
bagay na ito.” (Gawa 17:11) Naniniwala
ang mga Saksi ni Jehova na lahat ng mga
turo ng relihiyon ay dapat sumailalim sa
pagsubok na ito ng pagiging kasuwato ng kinasihang Kasulatan, maging ang turo ay
mula sa kanila o mula sa iba. Kanilang
inaanyayahan ka—hinihimok ka—na
gawin ito sa iyong pakikipagtalakayan sa
kanila.


Mula rito, maliwanag na ang mga Saksi ni
Jehova ay naniniwala sa Bibliya bilang ang
Salita ng Diyos. Kinikilala nila na ang 66
na aklat nito ay kinasihan at wasto ayon
sa kasaysayan. Ang karaniwang tinatawag
na Bagong Tipan ay tinutukoy nila bilang ang Kristiyanong Griegong Kasulatan, at
ang Matandang Tipan naman ay
tinatawag nilang Hebreong Kasulatan.
Nananalig sila kapuwa sa dalawang ito,
ang Griego at Hebreong Kasulatan, at
inuunawa nila ito sa literal na paraan malibang maliwanag na ipinahihiwatig ng
mga pananalita o tagpo na ang mga ito’y
makasagisag o simboliko. Nauunawaan
nila na marami sa mga hula ng Bibliya ang
natupad na, ang iba ay kasalukuyang
natutupad, at ang iba naman ay naghihintay pa ng katuparan.

ANG KANILANG PANGALAN

Mga Saksi ni Jehova? Oo, ganiyan nila
tinutukoy ang kanilang sarili. Ito ay isang
makalarawang pangalan na
nagpapahiwatig na sila’y sumasaksi hinggil
kay Jehova, sa kaniyang pagka-Diyos, at
sa kaniyang mga layunin. Ang “Diyos,” “Panginoon,” at “Maylalang”—gaya ng
“Presidente,” “Hari,” at “Heneral”—ay
mga titulo at maikakapit sa maraming
iba’t ibang tanyag na tao. Subalit ang
“Jehova” ay isang personal na pangalan at
tumutukoy sa kataas-taasang Diyos at Maylalang ng uniberso. Ipinakikita ito sa
Awit 83:18, ayon sa bersiyong King
James ng Bibliya: “Upang kanilang
maalaman na ikaw lamang, na ang
pangalan ay JEHOVA, ay kataas-taasan sa
buong lupa.”

Ang pangalang Jehova (o Yahweh, gaya
ng mas gusto ng Romano Katolikong
Jerusalem Bible at ilang iskolar) ay
lumilitaw nang halos 7,000 ulit sa orihinal
na Hebreong Kasulatan. Hindi ito ang
makikita sa karamihan sa mga Bibliya kundi ito’y hinalinhan ng “Diyos” o
“Panginoon.” Magkagayunman, kahit sa
mga Bibliyang ito, karaniwan nang
masasabi ng isang tao kung saan
ginagamit ng orihinal na Hebreong
teksto ang Jehova sapagkat sa mga tekstong ito ang inihaliling mga salita ay
nakasulat sa malalaki at maliliit na
malaking titik, samakatuwid nga: DIYOS,
PANGINOON. Ang ilang modernong
salin ay talagang gumagamit ng alinman sa
pangalang Jehova o pangalang Yahweh. Kaya naman, ang Bagong Sanlibutang
Salin ay kababasahan sa Isaias 42:8, “Ako
ay si Jehova. Iyan ang pangalan ko.”

Ang maka-Kasulatang ulat na pinagkunan
ng mga Saksi ni Jehova ng kanilang
pangalan ay nasa ika-43 kabanata ng
Isaias. Doon ang tanawin sa sanlibutan ay
minalas bilang isang pangyayari sa
hukuman: Inaanyayahan ang mga diyos ng mga bansa na iharap ang kanilang mga
saksi upang patunayan ang kanilang
inaangking mga kaso ng katuwiran o
upang pakinggan ang mga saksi sa panig ni
Jehova at kilalanin ang katotohanan.
Doon ay ipinahayag ni Jehova sa kaniyang bayan: “Kayo’y aking mga saksi, sabi ni
Jehova, at aking lingkod na aking pinili;
upang inyong maalaman at
magsisampalataya kayo sa akin, at inyong
matalastas na ako nga: walang Dios na
inanyuan na una sa akin, o magkakaroon man pagkatapos ko. Ako, sa makatuwid
baga’y ako, si Jehova; at liban sa akin ay
walang tagapagligtas.”—Isaias 43:10, 11,
American Standard Version.

Ang Diyos na Jehova ay may mga saksi na
noon sa lupa libu-libong taon bago pa
isilang si Jesus. Matapos isa-isahin sa
kabanata 11 ng Hebreo ang ilan sa mga
lalaking iyon ng pananampalataya, sinabi
ng Hebreo 12:1: “Kung gayon nga, yamang napalilibutan tayo ng ganito
kalaking ulap ng mga saksi, alisin din natin
ang bawat pabigat at ang kasalanan na
madaling nakasasalabid sa atin, at
takbuhin natin nang may pagbabata ang
takbuhan na inilagay sa harap natin.” Sinabi ni Jesus sa harap ni Poncio Pilato:
“Dahil dito ay ipinanganak ako, at dahil
dito ay dumating ako sa sanlibutan,
upang ako ay magpatotoo sa
katotohanan.” Siya’y tinatawag na “ang
saksing tapat at totoo.” (Juan 18:37; Apocalipsis 3:14) Sinabi ni Jesus sa
kaniyang mga alagad: “Tatanggap kayo ng
kapangyarihan kapag dumating sa inyo
ang banal na espiritu, at kayo ay magiging
mga saksi ko kapuwa sa Jerusalem at sa
buong Judea at Samaria at hanggang sa pinakamalayong bahagi ng lupa.”—Gawa
1:8.

Kaya naman, mga mahigit 7,000,000 katao sa
ngayon na nagsasabi ng mabuting balita
ng Kaharian ni Jehova sa pamamagitan ni
Kristo Jesus sa mahigit na 230 lupain ang
nakadarama na angkop lamang na
tukuyin nila ang kanilang sarili bilang mga Saksi ni Jehova.

Ano Ang Pinaniniwalaan
Nila?

PINANINIWALAAN ng mga Saksi ni
Jehova ang Kataas-taasang Diyos, si
Jehova, ang Maylalang ng langit at lupa.
Ang mismong pag-iral ng masalimuot na
disenyo ng mga kababalaghan sa
uniberso na nakapalibot sa atin ay makatuwirang nagpapahiwatig na isang
napakatalino at
napakamakapangyarihang Maylalang ang
gumawa ng lahat ng ito. Kung paanong
namamalas sa mga gawa ng mga lalaki at
babae ang kanilang mga katangian, gayundin naman yaong sa Diyos na
Jehova. Sinasabi sa atin ng Bibliya na “ang
kaniyang di-nakikitang mga katangian ay
malinaw na nakikita mula pa sa
pagkalalang ng sanlibutan, sapagkat
napag-uunawa ang mga ito sa pamamagitan ng mga bagay na ginawa.”
Gayundin, bagaman walang tinig o mga
salita, “ang langit ay naghahayag ng
kaluwalhatian ng Diyos.”—Roma 1:20;
Awit 19:1-4.

Ang mga tao ay hindi nagmomolde ng
palayok o gumagawa ng mga telebisyon
at computer nang walang layunin. Higit
na kahanga-hanga ang lupa at ang
nariritong mga likhang buhay halaman at
hayop. Ang kayarian ng katawan ng tao na binubuo ng trilyun-trilyong selula ay
di-abot ng ating unawa—maging ang
utak na ginagamit natin sa pag-iisip ay
talaga namang kamangha-mangha upang
malirip! Kung ang mga tao ay may layunin
sa pagtatanghal ng kanilang hamak na mga imbensiyon, lalo nang tiyak na may
layunin ang Diyos na Jehova sa kaniyang
kasindak-sindak na mga nilalang! Sinasabi
sa Kawikaan 16:4 na talagang mayroon:
“Ang lahat ng bagay ay ginawa ni Jehova
ukol sa kaniyang layunin.”

Ginawa ni Jehova ang lupa ukol sa isang
layunin, gaya ng sinabi niya sa unang mag-
asawa: “Magpalaanakin kayo at
magpakarami at punuin ninyo ang
lupa . . . , magkaroon kayo ng
kapamahalaan sa mga isda sa dagat at sa mga lumilipad na nilalang sa langit at sa
bawat nilalang na buháy na gumagala sa
ibabaw ng lupa.” (Genesis 1:28)
Palibhasa’y sumuway sila, nabigo ang
mag-asawang ito na punuin ang lupa ng
matuwid na mga pamilya na maibiging mangangalaga sa lupa at sa nariritong
mga halaman at mga hayop. Subalit ang
kanilang pagkabigo ay hindi nakasira sa
layunin ni Jehova. Makalipas ang libu-
libong taon, isinulat ito: ‘Ang Diyos, ang
Tagapag-anyo ng lupa . . . , hindi niya ito nilalang na walang kabuluhan. Inanyuan
niya ito upang tahanan.’ Hindi ito
wawasakin, kundi “ang lupa ay
mamamalagi magpakailanman.” (Isaias
45:18; Eclesiastes 1:4, The New English
Bible) Matutupad ang layunin ni Jehova para sa lupa: “Ang aking pasiya ay
mananatili, at ang lahat ng aking
kinalulugdan ay gagawin ko.”—Isaias
46:10.

Kaya naman, naniniwala ang mga Saksi ni
Jehova na ang lupa ay mananatili
magpakailanman at na lahat ng tao,
buháy at patay, na babagay sa layunin ni
Jehova para sa isang pinaganda at
tinitirahang lupa ay maaaring mabuhay rito magpakailanman. Ang buong
sangkatauhan ay nagmana ng di-
kasakdalan mula kina Adan at Eva at,
samakatuwid, mga makasalanan. (Roma
5:12) Sinasabi sa atin ng Bibliya: “Ang
kabayaran na ibinabayad ng kasalanan ay kamatayan.” “Batid ng mga buháy na sila
ay mamamatay; ngunit kung tungkol sa
mga patay, sila ay walang anumang
kabatiran.” “Ang kaluluwa na
nagkakasala—iyon mismo ang
mamamatay.” (Roma 6:23; Eclesiastes 9:5; Ezekiel 18:4, 20) Paano naman kaya
sila muling mabubuhay upang makibahagi
sa mga pagpapala sa lupa? Tanging sa
pamamagitan lamang ng haing pantubos
ni Kristo Jesus, sapagkat sinabi niya:
“Ako ang pagkabuhay-muli at ang buhay. Siya na nananampalataya sa akin, kahit na
mamatay siya, ay mabubuhay.” “Lahat ng
nasa mga alaalang libingan ay makaririnig
ng kaniyang tinig at lalabas.”—Juan 5:28,
29; 11:25; Mateo 20:28.

Paano kaya ito magaganap? Ipinaliliwanag
ito sa “mabuting balita ng kaharian,” na
pinasimulang ihayag ni Jesus habang siya’y
nasa lupa. (Mateo 4:17-23) Subalit sa
ngayon ay nangangaral ng mabuting balita
ang mga Saksi ni Jehova sa isang namumukod-tanging paraan.

ANG PINANINIWALAAN NG
MGA SAKSI NI JEHOVA

Ang Bibliya ay Salita ng Diyos at siyang
katotohanan 2 Tim. 3:16, 17; 2 Ped. 1:20, 21; Juan
17:17

Higit na mapananaligan ang Bibliya kaysa
sa tradisyon Mat. 15:3; Col. 2:8

Ang pangalan ng Diyos ay Jehova Awit 83:18; Isa. 26:4; 42:8, AS; Ex. 6:3

Si Kristo ay Anak ng Diyos at
nakabababa sa Kaniya Mat. 3:17; Juan 8:42; 14:28; 20:17; 1 Cor.
11:3; 15:28

Si Kristo ang una sa mga nilalang ng
Diyos Col. 1:15; Apoc. 3:14

Si Kristo ay namatay sa isang tulos, hindi
sa isang krus Gal. 3:13; Gawa 5:30

Ang buhay tao ni Kristo ay ibinayad
bilang pantubos para sa masunuring mga
tao Mat. 20:28; 1 Tim. 2:5, 6; 1 Ped. 2:24

Ang isang hain ni Kristo ay sapat na Roma 6:10; Heb. 9:25-28

Si Kristo ay ibinangon mula sa mga patay
bilang isang imortal na espiritung
persona 1 Ped. 3:18; Roma 6:9; Apoc. 1:17, 18

Ang pagkanaririto ni Kristo ay sa
espiritu Juan 14:19; Mat. 24:3; 2 Cor. 5:16; Awit
110:1, 2

 Tayo ngayon ay nasa ‘panahon ng
kawakasan’ Mat. 24:3-14; 2 Tim. 3:1-5; Luc. 17:26-30

Ang Kaharian sa ilalim ni Kristo ay
mamamahala sa lupa taglay ang
katuwiran at kapayapaan Isa. 9:6, 7; 11:1-5; Dan. 7:13, 14; Mat.
6:10

Ang Kaharian ay magdadala ng
napakainam na mga kalagayan ng
pamumuhay sa lupa Awit 72:1-4; Apoc. 7:9, 10, 13-17; 21:3,
4

Ang lupa ay hinding-hindi mawawasak o
mawawalan ng naninirahan Ecles. 1:4; Isa. 45:18; Awit 78:69

Aalisin ng Diyos ang kasalukuyang
sistema ng mga bagay sa digmaan ng
Har–Magedon Apoc. 16:14, 16; Zef. 3:8; Dan. 2:44; Isa.
34:2; 55:10, 11

Ang balakyot ay pupuksain
magpakailanman Mat. 25:41-46; 2 Tes. 1:6-9

Ang mga taong sinang-ayunan ng Diyos
ay tatanggap ng buhay na walang hanggan Juan 3:16; 10:27, 28; 17:3; Mar. 10:29, 30

Iisa lamang ang daan tungo sa buhay Mat. 7:13, 14; Efe. 4:4, 5

Ang kamatayan ng tao ay dahil sa
kasalanan ni Adan Roma 5:12; 6:23

Ang kaluluwa ng tao ay hindi na umiiral
pagkamatay Ezek. 18:4; Ecles. 9:10; Awit 6:5; 146:4;
Juan 11:11-14

Ang impiyerno ay karaniwang libingan ng
sangkatauhan Job 14:13, Dy; Apoc. 20:13, 14, AV
(mardyin)

Ang pag-asa ng mga patay ay
pagkabuhay-muli 1 Cor. 15:20-22; Juan 5:28, 29; 11:25, 26

Mawawala na ang Adanikong kamatayan 1 Cor. 15:26, 54; Apoc. 21:4; Isa. 25:8

Isang munting kawan lamang ng 144,000
ang aakyat sa langit at mamamahala
kasama ni Kristo Luc. 12:32; Apoc. 14:1, 3; 1 Cor.
15:40-53; Apoc. 5:9, 10

Ang 144,000 ay ipinanganganak-muli
bilang espirituwal na mga anak ng Diyos 1 Ped. 1:23; Juan 3:3; Apoc. 7:3, 4

Ang bagong tipan ay ipinakipagtipan sa
espirituwal na Israel Jer. 31:31; Heb. 8:10-13

Ang kongregasyon ni Kristo ay itinayo sa
kaniya Efe. 2:20; Isa. 28:16; Mat. 21:42

Ang mga panalangin ay dapat ipatungkol
lamang kay Jehova sa pamamagitan ni
Kristo Juan 14:6, 13, 14; 1 Tim. 2:5

Ang mga imahen ay hindi dapat gamitin
sa pagsamba Ex. 20:4, 5; Lev. 26:1; 1 Cor. 10:14; Awit
115:4-8

Ang espiritismo ay dapat iwasan Deut. 18:10-12; Gal. 5:19-21; Lev. 19:31

Si Satanas ang di-nakikitang tagapamahala
ng sanlibutan 1 Juan 5:19; 2 Cor. 4:4; Juan 12:31

Ang isang Kristiyano ay hindi dapat
makibahagi sa mga kilusang interfaith 2 Cor. 6:14-17; 11:13-15; Gal. 5:9; Deut.
7:1-5

Ang isang Kristiyano ay dapat na
manatiling hiwalay sa sanlibutan Sant. 4:4; 1 Juan 2:15; Juan 15:19; 17:16

Sumunod sa mga batas ng tao na hindi
salungat sa mga batas ng Diyos Mat. 22:20, 21; 1 Ped. 2:12; 4:15

Ang pagpapasok ng dugo sa katawan sa
pamamagitan ng bibig o ugat ay labag sa
mga kautusan ng Diyos Gen. 9:3, 4; Lev. 17:14; Gawa 15:28, 29

Ang mga kautusan ng Bibliya tungkol sa
moral ay dapat sundin 1 Cor. 6:9, 10; Heb. 13:4; 1 Tim. 3:2;
Kaw. 5:1-23

Ang pangingilin ng Sabbath ay sa Israel
lamang ibinigay at tinapos kalakip ng
Kautusang Mosaiko Deut. 5:15; Ex. 31:13; Roma 10:4; Gal.
4:9, 10; Col. 2:16, 17

Ang uring klero at pantanging mga titulo
ay di-angkop Mat. 23:8-12; 20:25-27; Job 32:21, 22

Ang tao ay hindi bunga ng ebolusyon
kundi nilalang Isa. 45:12; Gen. 1:27; Mat. 19:4

Si Kristo ay nagbigay ng halimbawa na
dapat sundin sa paglilingkod sa Diyos 1 Ped. 2:21; Heb. 10:7; Juan 4:34; 6:38

Ang bautismo sa pamamagitan ng
lubusang paglulubog sa tubig ay
sumasagisag sa pag-aalay Mar. 1:9, 10; Juan 3:23; Gawa 19:4, 5

Ang mga Kristiyano ay natutuwang
magbigay ng pangmadlang patotoo sa
maka-Kasulatang katotohanan Roma 10:10; Heb. 13:15; Isa. 43:10-12

pa subscribe..

question!

1. what will happen to those who are not included in 114,00? would that mean in your millions of followers only the 114,000 will enter heaven?

2. in that case baket nyo pa kailangan mangalap ng mga karagdagang myembro kung hanggang 114,000 lang pala ang makakaakyat sa langit?

maraming salamat.

Correction lang, 144,000 po yon at hindi 114,000.

Sinu-sino ang 144,000 ito? Si
Juan mismo ang nagsabi sa atin: “Ito ang
mga patuloy na sumusunod sa Kordero
saanman siya pumaroon. Ang mga ito ay binili mula sa sangkatauhan bilang mga
unang bunga sa Diyos at sa
Kordero.” (Apocalipsis 14:1, 4) Oo, sila ay tapat na mga tagasunod ni Jesu-Kristo
na pantanging pinili upang mamahalang
kasama niya sa langit. Matapos ibangon
mula sa kamatayan tungo sa buhay sa
langit, “mamamahala sila bilang mga hari
sa ibabaw ng lupa” kasama si Jesus. (Apocalipsis 5:10) Mula pa noong panahon ng mga apostol, pumipili na ang
Diyos ng tapat na mga Kristiyano para
makumpleto ang bilang na 144,000.
Isang napakamaibiging kaayusan na mamahala sa sangkatauhan si Jesus at ang
144,000. Unang-una, naranasan ni Jesus
na maging isang tao at magdusa bilang
isang tao. Sinabi ni Pablo na si Jesus ay
“hindi ang isa na hindi magawang
makiramay sa ating mga kahinaan, kundi ang isa na sinubok sa lahat ng bagay tulad
natin, ngunit walang kasalanan.” (Hebreo 4:15; 5: Ang kaniyang mga kasamang tagapamahala ay nagdusa rin at nagbata
bilang mga tao. Bukod diyan,
nakipagpunyagi sila sa di-kasakdalan at
tiniis ang lahat ng uri ng sakit. Tiyak na
mauunawaan nila ang mga problema na
napapaharap sa mga tao!

Sila ang nasasaad sa Lucas 12:32
Huwag kang matakot ,munting kawan, sapagkat sinang ayunan ng inyong Ama na ibigay sa inyo ang kaharian.




Meron pang isang grupo, mababasa ito sa Juan 10 : 16
At mayroon akong ibang mga tupa ,na hindi sa kulungang ito....

Sa Eden, ipinakita ng Diyos na kalooban niyang ang lupang
ito ay maging isang paraiso na punô ng
di-namamatay at matuwid na lahi ng tao.
Si Satanas ang dahilan ng pagkakasala nina
Adan at Eva, at iyan ay nakaapekto sa
katuparan ng kalooban ng Diyos para sa lupa ngunit hindi naman ito nagbago dahil
dito. Nananatili pa rin ang layunin ni
Jehova na “ang mga matuwid ang
magmamay-ari ng lupa, at tatahan sila
roon magpakailanman.” (Awit 37:29) At isasakatuparan iyan ng Kaharian ng
Diyos.

Sa palagay mo kaya’y matutupad pa ang layunin ng Diyos na Jehova na mabuhay
ang mga tao sa isang paraisong lupa?
“Sinalita ko nga iyon,” ang sabi ng Diyos,
“gagawin ko rin naman.” (Isaias 46:9-11; 55:11) Oo, tiyak na tutuparin ng Diyos ang kaniyang layunin! Sinabi niya na “hindi
niya nilalang [ang lupa] na walang
kabuluhan” kundi ‘inanyuan niya ito
upang tahanan.’ (Isaias 45:18)

Pagkatapos ng Armagedon, iisang gobyerno na lamang ang mamamahala sa
sangkatauhan, ang Kaharian ng Diyos.
Gagawin ng Kahariang iyan ang kalooban
ng Diyos at magdudulot ng kamangha-
manghang mga pagpapala. Halimbawa,
aalisin nito si Satanas at ang kaniyang mga demonyo. (Apocalipsis 20:1-3) Ikakapit ang bisa ng hain ni Jesus upang hindi na
magkasakit at mamatay ang tapat na mga
tao. Sa halip, sa ilalim ng pamamahala ng
Kaharian ay mabubuhay sila
magpakailanman. (Apocalipsis 22:1-3) Gagawing paraiso ang lupa. Sa gayon,
tutuparin ng Kaharian ang kalooban ng
Diyos sa lupa at pababanalin ang pangalan
ng Diyos. Ano ang kahulugan nito?
Nangangahulugan ito na sa dakong huli,
sa ilalim ng Kaharian ng Diyos, ang pangalan ni Jehova ay pararangalan ng
lahat ng nabubuhay.



Samakatuwid, ang mga ibang mga tupa , na hindi kasama sa munting kawan na siya namang mamamahalang kasama ni Jesus sa langit , ang  siyang mamumuhay ng walang hanggan sa paraisong lupa. Awit 37:29

KAHARIAN - mayroong mga mamumuno at mayroon din namang mga pamumunuan.

Isaalang-alang ang hulang masusumpungan sa Daniel 2:44. Ganito ang mababasa natin doon: “Sa mga araw
ng mga haring iyon ay magtatatag ang
Diyos ng langit ng isang kaharian na hindi
magigiba kailanman. At ang kaharian ay
hindi isasalin sa iba pang bayan.
Dudurugin nito at wawakasan ang lahat ng mga kahariang ito, at iyon ay
mananatili hanggang sa mga panahong
walang takda.” Ano ang sinasabi nito sa
atin tungkol sa Kaharian ng Diyos?

Una, sinasabi nito sa atin na itatatag ang Kaharian ng Diyos “sa mga araw ng
mga haring iyon,” o habang umiiral ang
iba pang mga kaharian. Ikalawa, sinasabi
nito sa atin na ang Kaharian ay mananatili
magpakailanman. Hindi ito malulupig at
hahalinhan ng ibang pamahalaan. Ikatlo, nalaman natin na magkakaroon ng
digmaan sa pagitan ng Kaharian ng Diyos
at ng mga kaharian ng sanlibutang ito.
Magtatagumpay ang Kaharian ng Diyos.
Sa dakong huli, ito na lamang ang
matitirang pamahalaan sa buong sangkatauhan. Pagkatapos ay
tatamasahin ng mga tao ang
pinakamahusay na pamamahalang
mararanasan nila kailanman.

so you mean ang 144,000 lang na mga angkan ni israel ang mapupunta sa langit?..

The rest ay dito na sa lupa,?..

Tanong lang..

Ang mga verses na yan kung babasahin mo sa umpisa ay nagtutukoy sa pagkain ng laman ng hayop at tao, at ang pagbawal na pagkain sa dugo ng hayop at tao.

Ano ang koneksyon nito sa blood transfusion?

144,000 is not just limited to the nation of Israel. It is opened to everyone , provided na sila ay karapat dapat at ang Diyos lang ang pumipili sa kanila.

Ang purpose ng Diyos sa lupa ay upang tirhan at mamuhay dito ng walang hanggan. So dito naman talaga sa lupa ang tirahan ng tao gaya nuon sa Eden. Pansinin mo ang nasa Kawikaan 2 : 21
Sapagkat ang mga matuwid ang siyang tatahan sa lupa, at ang mga walang kapintasan ang siyang MAIIWAN dito.





Ang mga
apostol at iba pang mga lalaki na
inatasang manguna sa mga tagasunod ni
Jesus noong unang siglo ay nagtipon
upang pagpasiyahan kung anong mga
utos ang dapat sundin ng lahat sa kongregasyong Kristiyano. Ito ang
naging pasiya nila: “Minagaling ng banal na
espiritu at namin mismo na huwag nang
magdagdag ng higit pang pasanin sa inyo,
maliban sa mga bagay na ito na
kinakailangan, na patuloy na umiwas sa mga bagay na inihain sa mga idolo at sa
dugo at sa mga bagay na binigti [hindi
napatulo ang dugo] at sa
pakikiapid.” (Gawa 15:28, 29; 21:25) Kaya dapat tayong ‘patuloy na umiwas sa
dugo.’ Sa paningin ng Diyos, ang paggawa
natin niyan ay kasinghalaga ng pag-iwas
natin sa idolatriya at seksuwal na
imoralidad.

Kasama ba ang pagpapasalin ng dugo sa
utos na umiwas sa dugo? Oo. Bilang
paglalarawan: Ipagpalagay na sinabi sa iyo
ng doktor na umiwas ka sa mga inuming
de-alkohol. Nangangahulugan ba lamang
iyan na hindi ka dapat uminom ng inuming de-alkohol pero puwede kang
magturok nito sa iyong mga ugat?
Siyempre hindi! Sa katulad na paraan, ang
pag-iwas sa dugo ay nangangahulugang
hindi natin ito ipapasok sa ating katawan
sa anumang paraan. Kaya ang utos na umiwas sa dugo ay nangangahulugang
hindi natin pahihintulutan ang sinuman na
salinan tayo ng dugo sa ating mga ugat.

Paano naman kung ang isang Kristiyano ay malubhang napinsala o
nangangailangan ng maselang operasyon?
Ipagpalagay na sinabi ng doktor na
kailangan siyang salinan ng dugo dahil
kung hindi ay mamamatay siya. Siyempre,
hindi gustong mamatay ng Kristiyano. Sa pagsisikap na ingatan ang mahalagang
regalo na buhay mula sa Diyos,
tatanggapin niya ang ibang uri ng
paggamot na hindi nagsasangkot ng
maling paggamit sa dugo. Kaya, sisikapin
niyang magpagamot sa gayong paraan hangga’t maaari at tatanggapin niya ang
mga alternatibo sa dugo.

Lalabagin ba ng isang Kristiyano ang kautusan ng Diyos para lamang pahabain
nang kaunti ang kaniyang buhay sa
sistemang ito ng mga bagay? Sinabi ni
Jesus: “Ang sinumang nagnanais magligtas
ng kaniyang kaluluwa [o, buhay] ay
mawawalan nito; ngunit ang sinumang mawalan ng kaniyang kaluluwa alang-
alang sa akin ay makasusumpong
nito.” (Mateo 16:25) Ayaw nating mamatay. Ngunit kung lalabagin natin
ang kautusan ng Diyos sa pagsisikap na
iligtas ang ating kasalukuyang buhay,
nanganganib na maiwala natin ang ating
pag-asa na buhay na walang hanggan.
Kung gayon, isang katalinuhan na magtiwala sa pagiging tama ng kautusan
ng Diyos, anupat lubusang nananalig na
mamatay man tayo sa anumang dahilan,
aalalahanin tayo ng ating Tagapagbigay-
Buhay sa pagkabuhay-muli at isasauli sa
atin ang mahalagang regalo na buhay.— Juan 5:28, 29 ; Hebreo 11:6.

so may limit lang..

As in 144, 000 lang ang makakarating don?..


San mo nabasa sa biblia yan?..


Na 144,000 lang ang makakarating sa langit?..

base sa sagot mo, conditional yan. May iba pa bang alternatibong magagawa maliban sa pagsalin ng dugo? Mamamatay na lang sya kung ganun.

"That ye abstain from meats offered to idols, and from blood, and from things strangled, and from fornication: from which if ye keep yourselves, ye shall do well. Fare ye well." (Acts 15:29).

 - ito po ay tumutukoy sa meat na inalay sa mga diosdiosan at sa dugo (na inalay din sa diosdiosan) dahil nakagawian na ng mga naunang tao ang pag aalay ng karne at dugo ng hayop bilang paghingi ng tawad,etc..

Parang mali po ata na ang pagkaintindi dito ay ang pagbawal sa pagsalin ng dugo.

ok thank you for the correction and also thank you for answering my question.

follow-up question...i may need your personal opinion on this one.

considering you have 6million members, so would it mean na 2.4% lang na kabuoang members nyo ang mapupunta sa langit (if ever lang naman). saan mapupunta ang 97.6%? para saan pala ang panghihikayat nyo kung 2.4% lang naman pala ang pwedeng mapunta sa langit?

Apocalipsis 14 : 1
At nakita ko , at , narito! Ang Kordero na nakatayo sa Bundok Sion, at ang kasama niya ay isang daan at apatnapu't apat na libo na may pangalan niya at pangalan ng kaniyang Ama na nakasulat sa kanilang mga noo.

Isa pa, bakit ba nanggagalaiti kayong pumunta sa langit.? Alam niyo ba kung anong gagawin ng mga pupunta sa langit?
Apocalipsis 20 : 6
Maligaya at banal ang sinumang may bahagi sa unang pagkabuhay-muli , sa mga ito ay walang awtoridad ang ikalawang kamatayan,kundi sila ay magiging mga saserdote ng Diyos at ng Kristo, at mamamahala sila bilang mga hari na kasama niya sa loob ng isang libong taon.


Ayan maliwanag. Ngunit huwag kang mag alala. Kung may magiging mga hari ay mayroon ding mga pamamahalaan. Sila ang mga mamumuhay ng walang hanggan dito sa lupa. Kasi kung lahat ay pupunta sa langit, sino na lang ang pamamahalaan nila? Maliwanag ang nakasaad sa bibliya na ang lupa ay magiging paraiso.

Pinapayagan namin silang salinan kaya lang ay ya0ng mas ligtas na paraan. Tinatanggap namin ang paraan ng pagsasalin na hindi naghaharap ng panganib ng Aids,hepatitis,at malarya. Hangad namin ang pinakamabuting panggagam0t, gaya ng natitiyak k0ng hangad ng sin0man. Kapag napakaraming dugo ang nawala ang pinakamalubhang pangangailangan ay isauli ang dami ng likido.siguro natatalos ninyo na 50 porsiyento ng ating dugo ay talagang tubig;ang ibay binubuo ng mga pula at puting selula at ipa pa.kapag napakaraming dugo ang nawala, ang katawan mism0 ay nagpapalabas sa ating mga ugat ng masaming reserbang selula ng dugo at pinabibilis ang produksiy0n ng mga bagong selola.pero kailangan ang sapat na dami ng likido.ang mga "plasma volume expander na walang dugo ay puwedeng gamitin sa layuning ito,at ito ay tinatanggap namin. Ang mga plasma volume expander ay nagamit na sa libu.libung mga tao,at napakahusay ang mga resulta.
Higit na mahalaga sa amin ang sinasabi mism0 ng bibliya sa Gaw.15:28,29
"Na patuloy na umiwas sa mga bagay na inihain sa mga idolo at sa mga dugo at sa mga binigti a0sa pakikiapid.kung pakaiingatan ninyo ang iny0ng sarili sa mga bagay na ito,kayo ay uunlad.mabuting kalusugan sa inyo!"

Oo. Marami na ngayong alternatibo sa dugo. Actualy mas marami na ngang doctor ngayon ang payag mag opera ng walang dugo kasi mas mabilis ang paggaling ng pasyente. May mga references ako na magpapatunay diyan. Tungkol  sa alternatives isa na diyan ang plasma volume expander at marami pang iba. Try to ask doctors in your area.
Isa pa, malinaw dun ang salitang PATULOY NA UMIWAS SA .... DUGO...
It is taken separately from pagkain dito.
Pero kung ipagpupumilit mo na ang tanging nakalagay lang dun ay ang Pagkain ng dugo, sige . Pero alam mo ba na ang pagkain at ang pagsasalin ay parehas lang?
Bakit? Kapag ang isang pasyente ay hindi na makakain , siguro dahil lantang gulay na, the patient is feed intravenously. Idadaan ang pagkain in the form of fluid sa kanyang ugat. Maliwanag na yan.




Boss, hindi mo ba itinuloy ang pagbabasa sa reply ko sayo ? Andun na po yong sagot sa taas. Pero eto ang aking sagot diyan

“ang mga matuwid ang
magmamay-ari ng lupa, at tatahan sila
roon magpakailanman.” (Awit 37:29)

magbigay kanga ng talata na tama ang sagut mu naito,na kasali ang hentil sa 144k na ito.pagkat pagkakaalam ko sa hindi kasama ang hentil dito.salamat po.

Galacia 3 : 26 - 29
Kayong lahat, sa katunayan, ay mga anak ng Diyos sa pamamagitan ng inyong pananampalataya kay Kristo Jesus. Sapagkat kayong lahat na nabautismuhan kay Kristo ay ibinihis na si Kristo. Walang Judio ni Griego man, walang alipin ni taong laya man, walang lalaki ni babae man, sapagkat kayong lahat ay iisang tao na kaisa ni Kristo Jesus. Bukod diyan, kung kayo ay kay Kristo, kayo ay talaga ngang binhi ni Abraham ayon sa isang pangako.